“Bij De Witten”, dat zijn Ellen en Peter, tis een “echt” en ertelijk plekske woa daj thuskomt. Oes EETCAFE bestoat al mjèr dan 100 joar. Tis gelegen up de Fintele in Pollinckhove, een uniek stikske groen in de Westhoek gelegen an den Ijzer. Ge kunt er genieten van een goe wandelinge of nen stevigen fietstocht. In de winter droijt oeze stove up volle toeren en branden de luchtjes en keiskes. In de zomer kun je genieten up oes terrasse van een machtig zicht en da in olle ruste zonder WIFI of speelpling.

Winder werken met een maandelijkse wisselkoarte woa daj vele verse producten van de streke goat up wère vinden. We werken geirne twope met lokale commercanten en zo kun je de Westhoek wok een bitje proeven up joen tallore.

Bierliefhebbers zin bie oes wok ant juste adres. Der staan hier mjèr dan 90 bieren up de korte. Nen Bernard van’t vat of jintje van de streke, ne goe trappist of geuze, we serveren ze al met evenvele liefde. Durf moa ne kjè vreemdgoan en peis niet an morgen.